Rhwydwaith Mayday yw’r grŵp mwyaf o fusnesau yn y DG sydd wedi ymrwymo i weithredu ar y cyd i fynd i’r afael â newid hinsawdd.

Mae Rhwydwaith Mayday, sy’n cael ei gydlynu gan Busnes yn y Gymuned, yn gywaith o fusnesau sydd ar gyfnodau gwahanol ar hyd taith carbon isel: rhai’n arwain, eraill newydd ddechrau.

Mae Bluestone yn falch o ymuno â Rhwydwaith Mayday y Tywysog sy’n rhoi cyfleoedd inni ddefnyddio arfau newydd a rhannu a dysgu arfer gorau ymhlith rhwydwaith cynyddol o fusnesau. Mae Bluestone wrthi’n barhaus yn chwilio am ffyrdd o wella ei berfformiad amgylcheddol ac mae bod yn rhan o’r rhwydwaith hwn yn adlewyrchu ei ymrwymiad i gyfrifoldeb amgylcheddol ac i wneud Bluestone yn fusnes effaith carbon isel

Fe’i henwyd ar ôl yr arwydd trafferth ‘Mayday Mayday’ rhyngwladol ac fe’i sefydlwyd gan EUB Tywysog Cymru yn 2007, a’n nod yw ysbrydoli, ennyn diddordeb, cynnal a herio cymaint o fusnesau ag y bo modd wrth iddyn nhw weithio gyda’i gilydd tuag at ddyfodol cynaliadwy.

Yng Nghymru, mae dros 220 o fusnesau wedi ymuno â’r Rhwydwaith ac wedi gwneud addewidion i fesur, adrodd ar a lleihau allyriadau carbon. Mae targedau yn eu lle i godi’r ffigwr hwn i 500 erbyn 2012.  

Ewch i restr o aelodau Mayday.

Uwchgynhadledd Mayday 2010

Daeth Busnes yn y Gymuned ag aelodau Rhwydwaith Mayday at ei gilydd yn ei ddigwyddiadau Uwchgynhadledd blynyddol ledled Cymru ar Fai’r 11eg, y 12fed a’r 13eg.  Gyda dros 250 o bobl yn bresennol dros y tri diwrnod roedd y digwyddiadau’n llwyddiant mawr.

Partneriaid Rhwydwaith Mayday: